Actualidade Gearbox dá pistas sobre o tamaño do mapa de Borderlands 3

Gearbox dá pistas sobre o tamaño do mapa de Borderlands 3

Dende o seu anuncio, os diferentes responsables e creativos de Borderlands 3 estiveron bastante activos en redes sociais. Gearbox sabe que o título ten que estar á altura, e os propios traballadores da compañía buscan aumentar a expectación ante o shooter-looter. O 13 de setembro aínda está lonxe, aínda que aos poucos vanse arroxando novos detalles sobre o proxecto.

Unha das preguntas máis recorrentes por parte da comunidade vén dada polo futuro tamaño do mapa ou mapas. Neste caso, foi Randy Pitchford, CEO do estudio, o que quixo aproximar unha resposta a través da súa conta de Twitter:

«As localizacións son variadas», explica no seu chío Pitchford. «Algunhas son máis grandes que a media, e outras máis pequenas. En xeral, o xogo é moito máis grande que títulos anteriores». Paga a pena lembrar que neste Borderlands 3, ao contrario das tres primeiras entregas, que se desenvolven por completo en único mundo, viaxaremos a diferentes planetas. Quizais por iso fixese fincapé na diferenza de tamaños entre escenarios.

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

Deixar un comentario

O teu enderezo electrónico non se publicará Os campos obrigatorios están marcados con *