Actualidade A Península Ibérica, escenario do vindeiro DLC de Crusader Kings III

A Península Ibérica, escenario do vindeiro DLC de Crusader Kings III

A través dun novo tráiler, Paradox Interactive presentou Fate of Iberia, a nova expansión de Crusader Kings III que chegará o próximo 31 de maio. Está ambientado en España e Portugal durante a época da Reconquista, e poderemos escoller entre ambos os dous reinos.

O DLC poderá ser mercado por separado ou adquirindo o Season Pass, e inclúe un mapa de Iberia dividido por condados e ducados, así como polas diferentes culturas e credos que son practicados nas distintas zonas.

«A Península Ibérica bañada polo sol agarda o teu glorioso mandato. O destino medieval da Península, coa súa rica historia, cultura e habitantes, está listo para que o modele a túa man maxestosa, xa sexa con suavidade e conciliación, ou con puño de ferro», sinala o equipo sueco na súa páxina de Steam.

Crusader Kings 3: Fate of Iberia estará dispoñíbel en PC, PS4, PS5, Xbox One e Xbox Series X|S o 31 de maio.

Carlos Pereiro

Creador de Morcego. Escribo cousas, falo de cousas e encántame escoitar cousas.