Actualidade Apex Legends anuncia o seu lanzamento en Steam e o seu atraso en Nintendo Switch

Apex Legends anuncia o seu lanzamento en Steam e o seu atraso en Nintendo Switch

A chegada de Apex Legends a Steam xa é unha realidade. O vindeiro 4 de novembro os usuarios da plataforma de Valve poderán gozar do popular título de Respawn Entertainment, que inaugurará a súa sétima tempada ese mesmo día.

Todos os xogadores que entren ao xogo durante a estrea da tempada recibirán amuletos baseados en obras como Portal e Half-Life. Ademais, o progreso realizado na conta de Origin poderá ser transferido a Steam e viceversa. Porén, a versión de Nintendo Switch sufriu un atraso que o empraza ao 2021, aínda que contará co xogo cruzado no seu lanzamento.

Juan Sanmartín

Colaborador de Morcego. Videoxogos, deporte, cómics ou cine son as miñas paixóns.