Actualidade Arabia Saudita merca o 8,1 % de Embracer Group

Arabia Saudita merca o 8,1 % de Embracer Group

Logo de mercar o 5,01 % de Nintendo nun movemento bastante comentado, o Fondo de Investimento Público de Arabia Saudita (FIP) acaba de adquirir o 8,1 % de Embracer Group, unha das compañías máis grandes e relevantes na actualidade dentro da industria do videoxogo.

A compra foi realizada a través da subsidiaria Sayvy Gaming Group, polo que agora esta é o segundo maior accionista da empresa de videoxogos.

O fondo soberano de Arabia Saudita, establecido polo polémico príncipe Mohamed bin Salmán, contará grazas a iso co 5,4 % dos votos de Embracer Gruop. Lars Wingerfors, CEO da empresa, informou que este movemento permitirá «continuar executando a nosa estratexia de maneira proactiva desde unha posición de fortaleza na industria global do videoxogo», algo polo que xa estaba claro logo de mercar hai pouco tempo Crystal Dynamics e Square Enix Montreal.

Carlos Pereiro

Creador de Morcego. Escribo cousas, falo de cousas e encántame escoitar cousas.