Chega o inverno. Principais lanzamentos de novembro
Chove e vai frío. Pouco a pouco acábase o ano e nós seguimos pegados ás pantallas, gozando dos últimos lanzamentos para PC e consolas.
Se Red Dead Redemption 2 conseguiu ser o gran protagonista de outubro, novembro é un mes con varios nomes propios á hora de reclamar a atención dos xogadores. Que destacar? Sen dúbida a chegada do novo Fallout 76 de Bethesda ou o lanzamento de Battlefield V. Ollo, porque tamén poderemos gozar coa volta do dragón morado Spyro, de Darksiders 3 e da chegada de varios títulos de interese para Switch coma son Civilization VI, Pokemon Let’s Go Pikachu / Eevee e o popular Warframe.
Non hai que esquecer ao xogo de cartas de Valve baseado no seu exitoso Dota 2, Artifact. Algúns afortunados xa levan semanas aprendendo as estratexias e o funcionamento dun título chamado a competir cos grandes do xénero, coma pode ser o propio Hearthstone. Non é ningún segredo o agarimo co que Valve traballa os seus xogos nin os recursos que destina a eles: xa hai anunciado un torneo global cun millón de dólares en premios.
Xogo | Plataforma | Data de lanzamento |
---|---|---|
The Quiet Man | PS4, PC | 1 de novembro |
Diablo III: Eternal Collection | Switch | 2 de novembro |
Déraciné | PSVR | 6 de novembro |
Overkill’s The Walking Dead | PS4, Xbox One, PC | 6 de novembro |
World of Final Fantasy Maxima | Xbox One, Switch | 6 de novembro |
Ride 3 | PS4, Xbox One, PC | 8 de novembro |
Hitman 2 | PS4, Xbox One, PC | 13 de novembro |
SNK 40th Anniversary Collection | Switch | 13 de novembro |
Spyro Reignited Trilogy | PS4, Xbox One | 13 de novembro |
Fallout 76 | PS4, Xbox One, PC | 14 de novembro |
Underworld Ascendant | PC | 15 de novembro |
Civilization VI | Switch | 16 de novembro |
Pokémon Let’s Go Pikachu/Let’s Go Eevee | Switch | 16 de novembro |
Battlefield V | PS4, Xbox One, PC | 20 de novembro |
Warframe | Switch | 20 de novembro |
Wreckfest | PS4, Xbox One | 20 de novembro |
Darksiders 3 | PS4, Xbox One, PC | 27 de novembro |
Artifact | PC | 28 de novembro |
Katamari Damacy Reroll | Switch, PC | 30 de novembro |
¿Qué sabemos do Artifact? Vais ser digno de competir?
Valve fai tempo que non lanza nada emocionante…
A Beta leva un mes xa funcionando.
Eu, de Valve, agardo sempre grandes cousas. Ademais, está Richard Garfield detrás do xogo, a mente pensante das Magic.
Non sei se lle quitará mercado a Hearthstone ou creará un novo. Tamén hai que ver como funciona o tema de adquisición de cartas (poden cambiarse no mercado de Steam) e ata que punto afecta a iso ao xogo (Pay to win?, oxalá que non).
Nas últimas semanas algúns YouTubers xa subiron en castelán gameplays explicando as regras básicas por se tes máis interese. Pode que tamén fagamos algunha reportaxe na páxina.