Actualidade Civilization VI é o novo xogo de balde da Epic Games Store

Civilization VI é o novo xogo de balde da Epic Games Store

Epic Games está a poñer toda a carne no asador para reclamar a atención da audiencia en PC. E as cifras certifican que a súa estratexia está a funcionar, xa que durante a última semana GTA V estivo dispoñíbel de forma totalmente gratuíta na súa tenda dixital, chegando mesmo a colapsar os servidores da compañía. Aínda que o primeiro prato do menú foi exquisito, o segundo está á altura. Civilization VI é o novo xogo gratuíto que ofrece a Epic Games Store.

A última entrega da clásica saga de estratexia de Firaxis xa se pode gardar na nosa biblioteca desde hoxe mesmo até o dia 28 ás 17 horas. Lanzado no ano 2016, Civilization VI cultivou grandes críticas tanto por parte da prensa especializada como do público, tal e como reflicte o seu flamante 88 en Metacritic.

Juan Sanmartín

Colaborador de Morcego. Videoxogos, deporte, cómics ou cine son as miñas paixóns.