Donkey Kong Country é o prato forte dos xogos de xullo en Nintendo Switch Online

Novos xogos clásicos chegan a Nintendo Switch este mes. A partir do 15 de xullo serán engadidos ao catálogo de Nintendo Switch Online tres títulos de SNES e NES. Entre eles, atópase o lendario Donkey Kong Country, desenvolto por Rare e lanzado no ano 1994. Un dos maiores éxitos de Nintendo daquela época, obra atemporal.

Tamén chegarán Natsume Championship Wrestling, xogo de loita libre do mesmo ano, pero que será a primeira vez que chegue a territorio europeo. Por último, o xogo de NES será The Inmortal, unha aventura con cámara isométrica e desenvolvido por Will Harvey en 1990.