Elden Ring :: Miyazaki amosa a súa nova obra nun longo adianto
É ben difícil que alguén que agarde con verdadeira ansia o novo título de Hidetaka Miyazaki non emita algún salouco de pracer durante os vinte minutos que dura o seu novo adianto. Un adianto que en realidade é o primeiro no que podemos observar de xeito veraz e con tempo o novo mundo que o xenio xaponés poñerá diante dos nosos ollos. Elden Ring parece máis do que uno poida imaxinar.
E non. Non será perfecto o máis probábel, como nunca o son os títulos do autor nipón. O certo é que un pode observar animacións que non acaban de convencer, texturas que non están á altura, vainas de espadas atravesando capas ao andar… Pero nada diso importa ante a xenialidade doutros centos de elementos que si parecen respirar auténtica fantasía: a grandeza do mundo, a aposta por novos escenarios, a beleza dos feitizos, o brutal deseño dos inimigos e a contorna… Difícil non se emocionar se un é seareiro de Miyazaki, que recupera, após Sekiro: Shadows Die Twice, ese aroma gótico e fantástico.
Simplemente, hai que velo: