Actualidade Fall Guys acada cifras de récord no seu primeiro mes en PC

Fall Guys acada cifras de récord no seu primeiro mes en PC

Se houbo un videoxogo que acaparou os titulares da prensa durante o verán ese foi Fall Guys. O título de Mediatonic converteuse desde o seu lanzamento nun auténtico éxito na industria. E namentres a comunidade agarda con paciencia pola chegada do novo contido da tempada 2, as cifras recollidas por Superdata reflicten que o título arrasou con todas as expectativas.

Fall Guys converteuse no xogo con mellor lanzamento no seu primeiro mes en PC após Overwatch en maio de 2016. 185 millóns de dólares de beneficios en tan só 30 días na plataforma, cun total de 8,2 millóns de vendas desde a súa chegada.

A todo iso hai que sumar o innegábel éxito alcanzado en PS4, xa que foi un dos títulos de PS Plus do mes de agosto, converténdose no xogo máis descargado da historia do servizo de subscrición de Sony.

Juan Sanmartín

Colaborador de Morcego. Videoxogos, deporte, cómics ou cine son as miñas paixóns.