Actualidade GTA 5, dispoñíbel no Xbox Game Pass para os seus subscritores de consola

GTA 5, dispoñíbel no Xbox Game Pass para os seus subscritores de consola

Sendo un dos títulos máis vendidos da historia, mesmo pode ser difícil que alguén non o teña xa na súa biblioteca dalgún xeito, pero sempre é agradábel  ver novas incorporacións ao catálogo de Xbox Game Pass. Grand Theft Auto V, que inclúe o seu famoso modo en liña, vén de aterrar no servizo de Microsoft para a súa consola de sobremesa —en PC non está dispoñíbel, aínda—.

A colosal obra de Rockstar chega como un reclamo interesante, sobre todo coñecendo o seu elevado número de xogadores. Así o anunciou, por sorpresa, a conta oficial do servizo. Coidado con Trevor e compañía.

Carlos Pereiro

Creador de Morcego. Escribo cousas, falo de cousas e encántame escoitar cousas.