Actualidade O detective mais famoso do mundo regresará con Sherlock Holmes: Chapter One

O detective mais famoso do mundo regresará con Sherlock Holmes: Chapter One

O crime e a investigación volven chamar á nosa porta. Sherlock Holmes: Chapter One é o nome do novo título da saga do detective máis famoso do mundo. Será o estudio ucraíno Frogwares o encargado de levar a cabo este proxecto, que actuará como precuela dos dous xogos anteriores da franquía: Sherlock Holmes: Crimes & Punishments e Sherlock Holmes: The Devil’s Daughter.

Após o seu anterior traballo en The Sinking City, o equipo de desenvolvemento trasladará o aprendido na súa última obra ao mundo do personaxe de Arthur Conan Doyle. «Un mozo Sherlock Holmes haberá de probar a súa valía mentres explora unha perigosa e exótica illa para investigar o misterio que envolve á morte da súa nai», relata a sinopse do título. Nesta ocasión, encarnaremos a un Holmes máis atrevido pero tamén imprudente, que terá que aprender a corrixir os seus erros.

Sherlock Holmes: Chapter One chegará a PS4, PS5, Xbox One, Xbox Series X e PC nalgún momento do 2021.

Juan Sanmartín

Colaborador de Morcego. Videoxogos, deporte, cómics ou cine son as miñas paixóns.