Red Dead Redemption 2 cabalgará en Xbox Game Pass a partir de maio

Red Dead Redemption 2 chegará a Xbox Game Pass en consola, tal e como vén de anunciar Microsoft. O último título de Rockstar converteuse nun dos grandes videoxogos da industria por dereito propio e estará dispoñíbel no servizo de subscrición a partir do 7 de maio. Iso si, só na versión da consola.

Porén, o peso total do xogo supera os 100 GB, polo que nas próximas horas ofrecerase a posibilidade de realizar a predescarga do mesmo, para telo totalmente en funcionamento para a data indicada. Ese mesmo día retirarase do servizo GTA V, que aterrou no Game Pass en xaneiro.

Se queredes saber máis sobre esta obra, podedes ler a análise que lle dedicamos no seu lanzamento en 2018.

Red Dead Redemption 2. May 7. pic.twitter.com/9takJL7Wa1

— Xbox Game Pass (@XboxGamePass) April 23, 2020