Actualidade
Remnant: From the Ashes tená lanzamento físico para PC e consolas
Dentro das sorpresas do 2019, Remmant: From the Ashes ten un oco de seu dentro dese particular podio. Até o de agora, a obra de Gunfire Games só estaba dispoñíbel en formato dixital, pero pronto haberá a opción de telo xunto ao resto de títulos favoritos no andel.
A través das súas redes sociais, THQ Nordic informou que materializará o videoxogo nun produto analóxico o próximo 17 de marzo, día na que se producirá o relanzamento en formato físico. Poderase comprar para todas as plataformas nas que xa existe, a saber: PC, PlayStation 4 e Xbox One. Terá un prezo de 39,99 euros.
We are proud to announce that we have secured distribution rights for the physical edition of Remnant: From the Ashes. Dive into a post-apocalyptic world with up to 2 friends on PC, PlayStation 4 and Xbox One. Boxed version releases on March 17, 2020.#RemnantGame @gunfire_games pic.twitter.com/9slBmGYgDH
— THQ Nordic (@THQNordic) February 10, 2020
E a versión de PC é un código ou inclúe un disco? En teoría, o community manager di que será ambas as dúas cousas, pero en consola só disco. Sexa como for, semella que as dúas opcións estarán dispoñíbeis en ordenador. Se aínda non o coñeces, Remmant: From the Ashes configúrase como un título de acción RPG, que bebe da fonte dos Souls, pero engade elementos de looter-shooter. Unha experiencia adictiva e bastante divertida a través de diversos niveis, escuros e perigosos.
