Xbox Series X|S elévase como a estrea máis exitosa da historia de Microsoft
Phil Spencer quixo presumir do éxito inicial das súas novas consolas. O director da marca Xbox non ocultou a súa alegría nin a súa felicidade pasadas as 24 horas desde a chegada da consolas ás tendas: é o sistema de Microsoft que máis rápido vendeu no seu primeiro día.
«Moitas grazas por apoiar o lanzamento máis grande na historia de Xbox. Estamos a traballar coas tendas para reabastecelas canto antes. Seguides demostrándonos que o poder de conexión do xogo é máis importante que nunca», explica no seu chío o director da compañía.
Thank you for supporting the largest launch in Xbox history. In 24 hrs more new consoles sold, in more countries, than ever before. We’re working with retail to resupply as quickly as possible. You continue to show us the connective power of play is more important than ever.
— Phil Spencer (@XboxP3) November 12, 2020
Non, aínda non hai cifras concretas, emporiso, os dous últimos días foron máis que importantes dentro da industria do videoxogo ao comezarmos oficialmente a nova xeración. PlayStation 5 tamén inicia hoxe o seu camiño en varios países, malia que en Europa o seu lanzamento non está programado até dentro dunha semana.
Sexa como for, a consola de Microsoft recibiu diversos eloxios e boas críticas dentro da prensa especializada, destacando a comodidade do Xbox Game Pass e o ofrecemento de poder comprar unha consola cunha biblioteca de xogos sombrosa desde o minuto un.