GONNER2 presenta un novo tráiler antes do seu lanzamento en outubro

Art in Heart e Raw Fury publicaron un tráiler do seu vindeiro videoxogo GONNER2, que chegará finalmente o 22 de outubro para Xbox One, Steam, GOG e Nintendo Switch.

O servizo de Xbox Game Pass contará desde o primeiro día co título en consolas e proximamente en PC. Doutra banda, aínda non se coñece data para a súa chegada na PS4, polo que haberá que agardar para o seu lanzamento.

Nesta segunda entrega volveremos tomar o control de Ikk para axudar á Morte durante numerosos niveis repletos de plataformas, acción, disparos e moitas opcións de rexogabilidade, xa que o xogo conta cun sistema procedural para xerar as pantallas. Por último, a opción dun modo cooperativo permitiranos gozar da obra con até tres compañeiros máis.