Actualidade Google presentará o seu novo proxecto sobre videoxogos en sete días

Google presentará o seu novo proxecto sobre videoxogos en sete días

Hai xa tempo que Google mira con interese á industria do videoxogo. A atracción do xigante tecnolóxico por este mundo non é un segredo, e sobre a mesa xa deixou entrever parte do seu traballo nesta área a través de Project Stream. A propia empresa americana xa fixo oficial un novo e inminente anuncio que nada ten que ver con iso. Na próxima Game Developers Conference que se celebrará o 19 de marzo Google quere amosar ao mundo en que anda traballando.

Polo momento, a compañía subiu a YouTube un teaser do que está por chegar, no que se poden ver diferentes escenarios dixitais: o túnel dun estadio, a rúa dunha cidade futurista, unha gruta tropical, un taller de coches ou similar e o interior dun avión militar, entre outros e diversos espazos. O vídeo, que podes ver a continuación, finaliza coa frase « Gather around», cuxa tradución literal é «Reunirse ou xuntarse ao redor».

Google pide aos usuarios que o próximo 19 de marzo, ás 18:00 horas, acudan ao seu streaming para coñecer a «visión de Google do futuro do videoxogo». Recalcan que é un proxecto novo, do que aínda non se fixo público ningún detalle, e non poucos comezaron a rumorear coa posibilidade de que poida ser presentada a súa propia consola, o que sería, sen dúbida, toda unha sorpresa tendo en conta a brutal rivalidade que habita nese mercado. Esta última fin de semana fíxose viral a foto dun posible controlador para esa hipotética máquina, aínda que todo foi un trola que correu con facilidade pola Rede.

La empresa tecnológica ya tiene programada en YouTube la emisión del 19 de marzo.

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

Deixar un comentario

O teu enderezo electrónico non se publicará Os campos obrigatorios están marcados con *