GTA 5, dispoñíbel no Xbox Game Pass para os seus subscritores de consola

Sendo un dos títulos máis vendidos da historia, mesmo pode ser difícil que alguén non o teña xa na súa biblioteca dalgún xeito, pero sempre é agradábel  ver novas incorporacións ao catálogo de Xbox Game Pass. Grand Theft Auto V, que inclúe o seu famoso modo en liña, vén de aterrar no servizo de Microsoft para a súa consola de sobremesa —en PC non está dispoñíbel, aínda—.

A colosal obra de Rockstar chega como un reclamo interesante, sobre todo coñecendo o seu elevado número de xogadores. Así o anunciou, por sorpresa, a conta oficial do servizo. Coidado con Trevor e compañía.

Have you seen the news lately? pic.twitter.com/fYxxQI06tD

— Xbox Game Pass (@XboxGamePass) January 3, 2020