Guerrilla ofrece novos detalles sobre as mecánicas de Horizon Forbidden West

Guerrilla ofrece novos detalles sobre as mecánicas de Horizon Forbidden West

Guerrilla Games mostrou e explicou esta semana algunhas das novas mecánicas de Horizon Forbidden West a través del blog oficial de PlayStation.

Entre elas aparece o Pullcaster —o garfio que xa vimos en acción durante o segundo adianto do xogo—, un dispositivo co que poderemos agarrarnos a distintas plataformas, o que «permite ao xogador ascender rápida e facilmente pola contorna e proporciona unha opción dinámica de percorrido / escape ao gameplay», e que terá a capacidade de destruír e manipular a contorna.

Tamén está o Shieldwing, co que Aloy poderá preparar golpes vesticales namentres planea, ofrecendo unha maior mobilidade sobre o escenario. «O que máis nos emociona é como as nosas mecánicas, novas e vellas, interactúan entre si para proporcionar enfoques variados e dinámicos en calquera escenario», explican os responsables da obra no comunicado.

Por suposto, haberá novas armas, malia que tamén repetirán algunhas do pasado. E o DualSense? Terá soporte completo, por suposto. Segundo o explicado por Guerrilla, tamén a IA dos inimigos foi mellorada,  poloque poderán atacar e emboscar en grupo.

Si nada o impide, Horizon Forbidden West chegará o 18 de febreiro do 2022 para PlayStation 4 e PlayStation 5, configurándose como un dos grandes exclusivos de Sony para esta xeración.

Carlos Pereiro

Creador de Morcego. Escribo cousas, falo de cousas e encántame escoitar cousas.