Gwent poderá ser probado esta semana en iOS

O xogo de cartas de The Witcher,Gwent, terá unha beta pechada en iOS esta semana, pouco antes do seu lanzamento oficial.

CD Projekt RED abriu na súa web un formulario para rexistrarse na proba que ten programado o seu inicio para o 15 de outubro.

Para apuntarse só é necesario un correo electrónico asociado a unha conta de GOG. A proba non poderá ser retransmitida nin tomar capturas.

Dispoñíbel para PC, PlayStation 4 e Xbox One, Gwent chegará a iOS de forma oficial o 29 de outubro, para logo saír tamén en Android.