Actualidade Halo Infinite e Stardew Valley, na primeira quenda do Xbox Game Pass de decembro

Halo Infinite e Stardew Valley, na primeira quenda do Xbox Game Pass de decembro

Microsoft confirmou os títulos que conformarán a primeira quenda de xogos que chegarán este decembro ao Xbox Game Pass.

Sen dúbida, a estrela é Halo Infinite, a nova obra de 343 Industries, o agardado exclusivo de Xbox que se estreará o 8 de decembro e está chamado a ser un dos FPS do ano.

Non chegará só, ou non estará só cando chegue, máis ben. Hoxe mesmo chegan ao servizo ANVII, Archvale, Final Fantasy XIII-2, Lawn Mowing Simulator, Rubber Bandits, Warhammer 40K: Battlesector e outra obra de relevancia, Stardew Valley.

Nuns días aterrarán no servizo Space Warlord Organ Trading Simulator, One Piece Pirate Warriors 4  e dous títulos multixogador bastante interesantes: Alien: Fireteam Elite e Among Us. Está claro que Microsoft quere que pasemos unhas boas navidades.

Carlos Pereiro

Creador de Morcego. Escribo cousas, falo de cousas e encántame escoitar cousas.