Actualidade Halo Infinite perde a Chris Lee, director do proxecto

Halo Infinite perde a Chris Lee, director do proxecto

Hai apenas uns días contabámosvos como 343 Industries detallaba o sistema de micropagos de Halo Infinite. Agora, o título volve ser noticia debido á marcha de Chris Lee do proxecto. O que até o de agora fora director do xogo permanecerá traballando para Microsoft, aínda que noutro departamento.

Lee xustificou no seu momento o atraso da chegada de Halo Infinite debido ás dificultades derivadas da pandemia, aínda que a aparición de Joe Staten e Pierre Hintze no seo do estudio foi un indicativo de que Microsoft non estaba satisfeita co traballo de Lee. Hintze e Staten tomaron o control do desenvolvemento do modo campaña e multixogador desde a súa chegada.

Sen unha data concreta de lanzamento, Halo Infinite xa sufriu cambios notábeis na súa estrutura, como o abandono en agosto de 2019 de Tim Longo e Mary Olson, director creativo e produtora executiva da desenvolvedora, respectivamente.

Juan Sanmartín

Colaborador de Morcego. Videoxogos, deporte, cómics ou cine son as miñas paixóns.