Hitman 3 será exclusivo temporal da Epic Games Store para PC

Hitman 3 segue o camiño doutros lanzamentos en PC e será exclusivo, de xeito temporal, da Epic Games Store neste sistema. A versión para computador da nova entrega do axente 47 aterrará na tenda de Epic o mes de xaneiro do vindeiro ano. Farao ao mesmo tempo que no resto de plataformas, que son: PlayStation 5, Xbox Series X, PlayStation 4, Xbox One e Google Stadia.

Á vez que de produce este anuncio, Epic Games Store tamén avisou que o primeiro título, editado no 2016, poderá ser descargado de balde na tenda a próxima semana, entre o 27 de agosto e o 3 de setembro.

Hakan Abrak defende a decisión de publicar en Epic e non noutras tendas para PC coa economía do estudio como base, ao dicir que o trato con Epic deulles «a liberdade para crear o xogo exactamente que imaxinaramos, para os nosos fans e para a nosa comunidade, sen compromiso».