Actualidade Hollow Knight celebra San Valentín presentando novo contido

Hollow Knight celebra San Valentín presentando novo contido

Día dos namorados? Algúns aínda o estamos desa obra xenuína e esixente que é Hollow Knight, a aventura creada por Team Cherrie. Este xoves, 14 de febreiro, o estudo amosará as primeiras imaxes e detalles da súa nova expansión.

Nesta ocasión, o DLC será de pago, a diferenza do seu anterior gran actualización, Godmaster, na que se engadiron xefes finais, secundarios e diferentes obxectos e segredos. Foi totalmente de balde, un xesto que a comunidade agradeceu e que simulou ser un estimulante a modo de premio para as decenas de miles de usuarios que apostaron por Hollow Knight no seu día.

O título de Team Cherrie converteuse nun dos grandes éxitos do 2017, chegando a Nintendo Switch o ano pasado. A súa dificultade e o seu belo deseño dotaron a este metroidvania dunha personalidade única.

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

Deixar un comentario

O teu enderezo electrónico non se publicará Os campos obrigatorios están marcados con *