Actualidade Immortals Fenyx Rising estrea o seu primeiro DLC e publica unha demo en todas as plataformas

Immortals Fenyx Rising estrea o seu primeiro DLC e publica unha demo en todas as plataformas

Non é ningún segredo que Ubisoft quizais debía outorgarlle un maior protagonismo ao lanzamento de Immortals Fenyx Rising, obra de mundo aberto lanzada hai agora un mes, na que percorremos unha Grecia habitada polos seus seres mitológicos.

O seu primeiro DLC, Un Novo Deus, está xa dispoñíbel para descarga, do mesmo xeito que unha nova demo para todas as plataformas nas que o título pode ser xogado: PlayStation, Xbox, Nintendo Switch e PC. Até o de agora só existía un avance gratuíto en Stadia.

A comentada expansión é a primeira das tres incluídas dentro do pase de tempada de Immortals Fenyx Rising cun prezo de venda de 39,99 euros en tendas dixitais.

Carlos Pereiro

Creador de Morcego. Escribo cousas, falo de cousas e encántame escoitar cousas.