Kojima anuncia o lanzamento de Death Stranding Director’s Cut
Que Hideo Kojima é un dos maiores trols da industria do videoxogo non é nada novo, e o tráiler de presentación da versión do director de Death Stranding é a proba máis evidente dese enunciado.
O director xaponés tamén apareceu polo Summer Game Fest de Geoff Keighley para presentar a última e máis completa versión de Death Stranding. Poderemos visitar, segundo dá a entender o adianto, algunha que outra nova localización e, o máis importante, correrá a 4K e 60 fps en PlayStation 5. Vaia, que chega á nova xeración.
Prometeron máis información ao longo das próximas semanas.
