Mario Kart Live: Home Circuit detalla o contido dos seus packs

Unha das revelacións máis sorprendentes do Nintendo Direct de onte, foi a chegada de Mario Kart Live: Home Circuit. A proposta de crear o noso propio circuíto en casa para gozar de carreiras en realidade aumentada con nosa Nintendo Switch foi unha idea que caeu ben entre a comunidade.

Agora xa coñecemos todo o que incluirá o pack necesario para gozar deste xogo. Por 99,99 euros atoparemos na caixa oficial o seguinte:

• Código de descarga do xogo (1,1 GB de peso); non inclúe o xogo en físico.
• Kart (de Mario ou de Luigi, dependendo da edición)
• 4 arcos que colocaremos no chan.
• 2 sinais de curva.
• Cable USB de carga do coche.

Noventa minutos de autonomía terá o coche, sexa o de Luigi ou o de Mario. Para cargar por completo o vehículo teremos que agardar bastante máis, algo máis de 3 horas, 210 minutos. Un total de oito copas agardan para competir contra outros personaxes e até catro persoas co modo multixogador local. Todo iso dispoñíbel a partir do 16 de outubro.