Actualidade
Metro Exodus contará con modo foto en 4K e superior
4A Games e Deep Silver acaban de anunciar que Metro Exodus contará con modo foto desde o mesmo día do seu lanzamento. Unha característica cada vez máis habitual dentro da industria e que neste caso permitirá captar ese mundo apocalíptico do que fará gala o título. Xogo que por certo veremos moi pronto, o 15 de febreiro en Xbox One, PC e PS4.
Na segunda das versións nomeadas é a que terá características especiais se temos unha tarxeta gráfica Nvidia, grazas á ferramenta de edición Ansel. Todo aquel que teña unha GPU compatible poderá crear fotografías máis complexas, con resolución 4 K e superior, ademais de gozar da tecnoloxía RTX Ray Tracing ao longo de todo o título.
Calling all video game photographers – you can document your journey in #MetroExodus from day one with Photo Mode!
From snapping your deadliest encounters to marvelling at the world beyond the Metro, a picture says a thousand words.https://t.co/q1tXTeqIyY pic.twitter.com/2O1mdjxtxd
— Metro Exodus (@MetroVideoGame) January 7, 2019
“É certo que é unha característica relativamente rara nos xogos de acción en primeira persoa, pero o equipo foi moi determinante á hora de que funcionase no título e querían darlle a oportunidade aos fans de Metro a posibilidade de capturar as súas propias historias e imaxes nas abatidas terras de Rusia” explica o produtor executivo de 4A, Games Jon Bloch.
A terceira entrega da saga Metro promete ser enorme. Unha mestura entre acción e supervivencia en contornas máis abertas que os subsolos rusos que percorremos con anterioridade. Iso si, tampouco se perderá esa escura claustrofobia. Estará máis que presente, aínda que se optou, tamén, por ofertas máis experiencias e escenarios.
