Metro Exodus será exclusivo da Epic Store en PC

Metro Exodus será exclusivo da Epic Store en PC

Epic Games continúa o seu particular duelo contra Valve. A última acción do primeiro foi obter a exclusividade para PC de Metro Exodus, que sairá en pouco máis de dúas semanas, o 15 de febreiro.

Así, a terceira entrega desta franquía desaparecerá de Steam. Dende hoxe, será imposible adquirila nesta plataforma dixital. Por suposto, si se manterán as reservas realizadas con antelación na aplicación de Valve, polo que algúns se poderán instalar e xogar Metro Exodus nela.

Engádese desta maneira outro capítulo máis á guerra de Epic contra Valve e á potente aposta pola súa propia tenda dixital, plataforma que ofrece un título de balde cada dúas semanas, e que xa lle “roubou” a Steam The Division 2.

Metro Exodus será lanzado para PC, PlayStation 4 e Xbox One.

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

Deixar un comentario

O teu enderezo electrónico non se publicará Os campos obrigatorios están marcados con *