Microsoft merca Bethesda e faise dona dalgunhas das franquías máis recoñecidas do medio
Terremoto inesperado na industria dos videoxogos. Microsoft decidiu poñer toda a carne no asador e acaba de adquirir unha das editoras máis importantes de todo o panorama do lecer electrónico. ZeniMax Media, empresa matriz de Bethesda Softworks, chegou a un acordo coa compañía estadounidense para ser mercada pola empresa estadounidense.
Máis de 2.300 profesionais e numerosos estudios como id Software, Arkane Studios ou Tango Gameworks pasarán a formar parte da división de xogos dirixida por Phil Spencer. Deste xeito, moitas franquías como The Elder Scrolls, Fallout, Wolfenstein ou DOOM pasarán a ser familia de seu das Series S e Series X. Isto non significa que non poidan seguir noutras plataformas.
Este acordo afecta os futuros e actuais títulos de Bethesda, xa que serán incluídos no servizo de Xbox Game Pass en consolas e PC. Entre eles atópase Starfield, a nova epopea espacial que preparan desde Bethesda Game Studios.
Phil Spencer declarou no blogue de Xbox que «todo o seu gran traballo, por suposto, continuará e medrarará e esperamos melloralo cos recursos e o soporte de Microsoft para escalar as súas visións creativas a máis xogadores de novas maneiras». O acordo pechouse por unha cifra cercana aos 7.500 millóns de dólares.
Xbox and @Bethesda have worked together for years. We share similar passions and beliefs. Proud to welcome them to Team @Xbox. Excited how we’ll advance gaming together for players everywhere https://t.co/0BcLULyFYF pic.twitter.com/2aectsejsk
— Phil Spencer (@XboxP3) September 21, 2020
[…] setembro abrironse as portas para poder ir confirmando decisións e compras. Microsoft faino após anunciar onte que se facía con Bethesda, unha das editoras e desenvolvedoras máis coñecidas da […]
[…] das grandes novas do ano foi e será compra de Bethesda por parte de Microsoft. A compañía estadounidense adquire desta forma numerosas propiedades […]