Actualidade Mike Morhaime deixa o seu posto como presidente de Blizzard Entertainment

Mike Morhaime deixa o seu posto como presidente de Blizzard Entertainment

O seu é un nome propio da industria dos videoxogos. Mike Morhaime, un dos pais fundadores de Blizzard Entertainment, vén de anunciar a súa saída como presidente da compañía. Non é un adeus nin un ata logo, Morhaime seguirá vinculado á empresa de videoxogos como asesor. Por que decide dar este paso agora, ou as motivacións para elo, é unha incógnita.

O ex presidente quixo aproveitar o seu comunicado para mandar un sentido agradecemento ás persoas coas que traballou ao longo destes anos. “Foi un privilexio ser o líder deste equipo. Estou tamén agradecido á comunidade de xogadores de Blizzard polo seu apoio incondicional”, sinala na nota de prensa.

Sen dúbida, a compañía estadounidense é un dos referentes inmediatos na creación de videoxogos. Os seus títulos son, dalgunha ou doutra maneira, exemplos no ámbito da innovación e o coidado co que se fan. Overwatch, Diablo, World of Warcraft… Lendas da industria, por iso o movemento de Morhaime é, coma pouco, transcendental para a empresa. Tocará esperar para veer en que se traduce nos futuros movementos de creación e edición.

Allen Brack, o seu substituto

Alguén ten que ocupar o posto vacante, e J. Allen Brack foi o elixido para tal tarefa. Allen é un veterano dentro de Blizzard, coñecido principalmente por ter sido productor executivo de World of Warcraft. Sabedor do funcionamento interno do estudio, Bobby Kotick, director xeral, comentou que o seu nomeamento vén motivado pola capacidade de guiado que posúe, así como ser un exemplo de inspiración para os empregados.

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

Deixar un comentario

O teu enderezo electrónico non se publicará Os campos obrigatorios están marcados con *