Monolith Soft confirma a súa colaboración nun novo Zelda
A compañía Monolith Soft, coñecidos por crear a grandes títulos RPG como a saga Xenoblade, xa están a colaborar no desenvolvemento dun novo xogo de Zelda. A confirmación de tal movemento chegou a través dunha oferta de traballo publicada na súa propia páxina web.
A oferta indica que están a buscar a cinco novos traballadores para o novo proxecto. Concretamente queren artistas técnicos, programadores, planificadores, deseñadores e responsables de soporte. É preciso destacar que a firma xaponesa xa traballou na creación de The Legend of Zelda: Breath of the Wild xunto a outros equipos da propia Nintendo.
【中途採用情報】モノリスソフトでは現在、「ゼルダの伝説」シリーズの開発スタッフを募集しています。TA、プログラマー、プランナー、デザイナーなど様々な職種を募集しておりますのでご興味のある方は下記よりご覧ください。https://t.co/IlpsoAOCRA
皆さまのご応募をお待ちしております。— 株式会社モノリスソフト (@MONOLITHSOFT) March 28, 2019
Evidentemente, non transcenderon máis datos sobre o proxecto, nin nome, nin xénero, nin plataforma, nin moito menos, unha posible data de saída.
É certo que Nintendo está a traballar xa nunha nova entrega da saga The Legend of Zelda e que está será en 3D. Máis aló da sorpresa que foi o anuncio de The Legend of Zelda: Link’s Awakening Remake, que sairá en Nintendo Switch a finais de 2019, os de Kioto anunciaron a finais de xaneiro que estaban a ampliar o seu cadro de persoal para un futuro Zelda en tres dimensións.
