Nintendo confirma o peche das tendas dixitais de Wii U e Nintendo 3DS
Nintendo confirmou o peche das tendas dixitais de Wii U e Nintendo 3DS. Cando? No ano 2023, aínda que será un peche paulatino.
A partir do 23 de maio de 2022, será eliminada a opción de engadir fondos á nosa conta da eShop para estas dúas consolas utilizando cartón de crédito; logo, o 29 de agosto, deixarán de poder trocarse, tamén, os cartóns de Nintendo eShop para engadir fondos á nosa conta. No entanto, poderemos seguir comprando xogos si engadimos saldo á nosa conta de Nintendo Network a través de Nintendo Switch.
O peche definitivo das tendas chegará en marzo de 2023. A partir dese momento non poderemos seguir comprando títulos na tenda dixital, nin trocar códigos promocionais de descarga, tampouco poderán ser descargadas demos nin obras free-to-play. En poucas palabras: só quedará o formato físico como esperanza para engadir máis xogos á túa biblioteca.
A compañía xaponesa explica que este peche forma parte natural «do ciclo de vida de calquera produto» e sinala que, polo momento, non ten pensado eliminar a posibilidade de que os usuarios si descarguen os xogos xa adquiridos.
