Nintendo confirma que 160.000 contas recibiron accesos non autorizados
Nintendo vén de sufrir un problema de seguridade nas súas redes, tal e como anunciou a compañía. Máis de 160.000 contas víronse afectadas debido a accesos non autorizados ás mesmas por parte de terceiros. Debido a esta intrusión é posíbel conseguir os datos privados dos usuarios tales como o seu correo electrónico, data de nacemento, xénero ou rexión xeográfica
Malia que a información relacionada coas tarxetas de crédito non estaría ao dispor dos devanditos terceiros, si que se rexistraron algunhas compras non autorizadas en diversas contas. O método de acceso ás contas non foi publicado pero Nintendo indicou que estaba relacionado cos datos da Nintendo Network ID, a cal se obtén a través de servizos alleos á compañía.
Tendo isto en conta, a empresa xaponesa bloqueou o acceso ás Contas Nintendo a través deste método. Todas as contas que se viron afectadas recibirán mensaxes nos que se insta a utilizar un contrasinal único para o servizo, ademais de recomendar a activación da verificación en dous pasos.
Debido a ciertos incidentes relacionados con algunas cuentas Nintendo, ya no es posible iniciar sesión en una cuenta Nintendo con un Nintendo Network ID. Para obtener más información, visita nuestro sitio web de atención al consumidor: https://t.co/HMcOx2E27l
— Nintendo España (@NintendoES) April 24, 2020
