Actualidade Nintendo decide retirar da venda as tarxetas con códigos dixitais dos seus títulos

Nintendo decide retirar da venda as tarxetas con códigos dixitais dos seus títulos

Nintendo decidiu tomar cartas no asunto e retirar a venda de códigos de xogos dixitais a partir de hoxe mesmo. Numerosas tendas de toda Europa benefícianse deste tipo de produtos, os cales permiten adquirir os principais títulos da compañía. Deste xeito, todo aquel que queira adquirir un xogo no continente europeo para Nintendo 3DS ou Nintendo Switch tan só poderá facelo en formato físico.

A compañía xaponesa non se pronunciou respecto dos motivos que a impulsan a tomar esta medida, aínda que é probábel que busquen combater a especulación no mercado de segunda man. Mesmo hai empresas dedicadas a vender estes códigos por baixo do prezo que se atopan na eShop.

O que si que seguiremos vendo nas tendas serán as tarxetas de saldo para recargar o noso moedeiro virtual. De igual forma os contidos adicionais de Pokémon Espada e Escudo ou o Fighter Pass de Super Smash Bros. Ultimate seguirán estando dispoñíbeis nos andeis dos establecementos.

Juan Sanmartín

Colaborador de Morcego. Videoxogos, deporte, cómics ou cine son as miñas paixóns.