Nintendo fixa os prezos para o Paquete de Expansión de Nintendo Switch Online

Nintendo revelou o que custará xogar a títulos de Nintendo 64 e Mega Drive na súa consola híbrida. Hai que entender que non se trata dun pago único como tal, senón que a partir de agora poderemos escoller entre Nintendo Switch Online ou Nintendo Switch Online Paquete de Expansión cando decidamos engadir este servizo á nosa conta.

Nintendo Switch Online Paquete de Expansión custará 39,99 euros ao ano para os usuarios individuais e 69,99 euros ao ano para as contas familiares. Se xa tes o servizo e decides mudar á subscrición ampliada, recibirás un pequeno desconto. Cando estará dispoñible? A partir do 26 de outubro.