Nintendo prepara o lanzamento de varios xogos por mor do 35 aniversario de Mario
Grandes plans de Nintendo para o que resta do ano. Segundo diversas fontes, como Eurogamer, e sustentado por un informe de VGC, a compañía xaponesa prepara unha gran celebración para conmemorar o 35 aniversario de Super Mario Bros. Unha festa que virá cargada de numerosos xogos protagonizados polo fontaneiro como Mario Galaxy 1 e 2, Super Mario Sunshine e Super Mario 64, que recibirían adaptacións remasterizadas para Nintendo Switch.
O clásico de Gamecube regresaría á primeira fila de lanzamentos 18 anos despois.
As novidades non rematan aquí. Un novo Paper Mario estaría en camiño, xunto cunha versión definitiva de Super Mario 3D World e que incluirá novos niveis. O xogo de Wii U foi un dos máis rumoreados para recibir unha adaptación para a consola portátil. Namentres isto ocorría, Nintendo declinou responder a esta información, e após a cancelación do E3 2020, agárdase que todos estes anuncios seexan confirmados durante un Nintendo Direct.
