Nintendo Switch Online engadirá seis novos títulos ao seu catálogo este decembro

Nintendo Switch Online, o servizo de subscrición da compañía xaponesa, continúa engadindo novos títulos ao seu catálogo e todos eles son grandes obras do pasado. Nesta ocasión tócalle a quenda a Star Fox 2, Crystalis, Super Punch-Out!, Kirby Super Star, Breath of Fire 2 e Journey to Sillius, que chegarán o vindeiro 12 de decembro ao servizo. Estes xogos están repartidos entre as famosas consolas NES e SNES, raíñas da industria do videoxogo hai décadas.

En primeiro lugar atopámonos cos xogos de «O Cerebro da Besta», entre os que destaca un Star Fox 2 que puido xogarse por primeira vez coa chegada da SNES Mini hai xa dous anos. Nunca chegou a ver a luz debido a que na época Nintendo atopábase inmersa no desenvolvemento de títulos para a potente Nintendo 64, polo que decidiron aparcar o desenvolvemento do xogo.

Por outra banda atopámonos con Super Punch-Out!, sequela do mítico xogo de NES, co que poderemos controlar a Little Mac, pelexando contra todo tipo de boxeadores en combates uno contra un. Tamén se atopa como engadido á repartición Kirby Super Star, que en realidade trátase dunha recompilación de até oito xogos da famosa criatura rosa. Por último temos a Breath of Fire 2, título RPG clásico no que teremos que explorar unha terra chea de misterios, maxias e aventuras por vivir.

Star Fox 2 vió a luz tras máis de dúas décadas no esquecemento.

Para concluír a festa, a revolucionaria NES achega Crystalis, outro xogo RPG dun corte máis terrorífico e menos amigábel, onde deberemos avanzar por un mundo postapocalíptico. Finalmente, Journey to Sillius, o cal se trata dun run-and-gun, no que teremos que nos enfrontar a hordas de inimigos que pertencen a un exército mecanizado.

Porén, as novidades non terminan aquí, xa que se engadiron funcións aos xogos, amais de poder rebobinar e retomar o control da partida no punto que queiras.