No Man’s Sky achégase ao survival horror coa súa nova actualización
Hello Games converteu en rutina unha das tarefas máis complicadas que tiña por diante após o lanzamento de No Man’s Sky. A obra de Sean Murray non parou no seu empeño de mellorar continuamente, tal e como demostra coa nova actualización chamada No Man’s Sky: Desolation.
Este parche permite explorar estacións espaciais que se atopan abandonadas e á deriva por todo o cosmos. O máis rechamante é o cambio de ton para este tipo de contido, xa que o xogo achégase máis ao visto en referentes do survival horror como Dead Space. Melloras no combate ou o manexo de armas permitirán combater a robots, condicións ambientais adversas e criaturas inesperadas en zonas que se xerarán proceduralmente.