eSports Nove xogos para loitar nas Vegas durante o EVO 2019

Nove xogos para loitar nas Vegas durante o EVO 2019

Tras a celebración da segunda edición do EVO Japan hai pouco máis dunha semana, confirmáronse os nove títulos que configurarán a aliñación de videoxogos de loita cos que se competirá no maior torneo de loita do mundo, o EVO 2019 americano, do 2 ao 4 de agosto, no Casino-Hotel Mandalay Bay de Las Vegas, situado no corazón do Strip, a rúa máis coñecida da cidade de Nevada.

Injustice ou Guilty Gear quedan sen presentación e dan paso a outros videoxogos.

Que xogos foron os seleccionados?

  • Street Fighter V: Arcade Edition
  • SoulCalibur VI
  • Tekken 7
  • BlazBlue: Cross Tag Battle
  • Super Smash Bros. Ultimate
  • Under Night In-Birth Exe:Late[st]
  • Samurai Shodown
  • Dragon Ball FighterZ
  • Mortal Kombat 11

O ano pasado bateuse o récord de espectadores grazas ao enfrontamento entre SonicFox e Go1. Máis de 250.000 usuarios decidiron seguir por Twitch a retransmisión do seu combate en Dragon Ball FighterZ , título que gozou dunha impresionante acollida tras liderar as inscricións do 2018.

Os grandes ausentes deste ano serán Guilty Gear, Injustice 2 e Super Smash Bros. Melee, que evidencia o movemento de xogadores cara á última entrega do título de Nintendo.

 

 

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

Deixar un comentario

O teu enderezo electrónico non se publicará Os campos obrigatorios están marcados con *