O creador de Celeste comparte os seus primeiros niveis de Super Mario Maker 2

O creador de Celeste, Matt Thorson, compartiu unha pequena listaxe cos niveis que creou estes últimos días usando Super Mario Maker 2, o título que vén de ver a luz en Nintendo Switch.

O responsable dun dos títulos independentes máis aclamados de 2017, nominado ao GOTY, non perdeu o tempo estes días e grazas ao editor de niveis de Nintendo creou e publicou a súa propia visión de Super Mario a través da súa conta de Twitter. No seu día, Thorson chegou a crear máis de cincuenta niveles para o primeiro Super Mario Maker de Wii U.

Se queres botarlle un ollo ás súas creacións podes buscar o seu perfil público mediante a ID JVY-3W4-11H, e ver todo o contido que foi creando (e que creará).

A continuación, tes a lista dos niveis compartidos e os seus códigos:

• Banzai Bounce: Q43-GXB-WHG
• Desert of Despair: H8K-3B9-WDG
• Starlight Shells: PHP-GYT-VJG
• Shrine of the Sacred Stiletto: 5YG-7DN-PGG

My first Mario Maker 2 course, about bouncing on banzai bills in the sky 🙂 loving the game so far
Q43-GXB-WHG

— Matt Thorson ? (@MattThorson) June 28, 2019