Actualidade O estudio de Dreams evalúa como remunerar aos seus creadores de contido

O estudio de Dreams evalúa como remunerar aos seus creadores de contido

As posibilidades de Dreams semellan non ter fin. Polo menos non na mente e nas mans dalgúns dos seus xogadores —ou creadores, dependendo do prisma co que os observemos—. O título de Media Molecule é posuidor dun potencial tremendo, e non poucas veces se falou sobre a posibilidade de vender algunha das creacións que viron a luz baixo o seu paraugas. Os seus responsables explican que isto sería un obxectivo complicado, aínda que nunhas declaracións recentes afirman que continúan traballando nesta posibilidade.

Nunha entrevista con  MCVUK, o director creativo e cofundador da empresa, Mark Haley, volveu falar deste asunto e explico: «Definitivamente, queremos ser capaces de recompensar aos creadores dalgunha maneira. Estamos a ver as diferentes formas mediante as que poderiamos facer iso e, ao mesmo tempo, preservar a delicada natureza para que a comunidade siga compartindo as súas obras e sexa colaborativa».

Do mesmo xeito,  Abbie Heppe, mánager de comunicacións, agregou que, aínda que agardan chegar a tal punto nalgún momento, non é unha mecánica que forme parte dos seus plans actuais a curto prazo. «A monetización sería algo moi, moi grande. Un elemento que queremos explorar, pero non temos nada que comentar respecto diso por agora», sentenciou.

Un exemplo do control e bo facer que algúns usuarios están a adquirir sobre Dreams, podería ser esta revisión dos primeiros momentos de Metal Gear Solid, o título de PlayStation.

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

Deixar un comentario

O teu enderezo electrónico non se publicará Os campos obrigatorios están marcados con *