Actualidade O lanzamento de Doom Eternal vaise até marzo do 2020

O lanzamento de Doom Eternal vaise até marzo do 2020

Malas novas para todos aqueles que esperaban a próxima saída de DOOM Eternal. O FPS de id Software non aterrará nas tendas dentro dunhas poucas semanas, como así estaba programado. Bethesda anunciou que o título non verá a luz até o 20 de marzo de 2020.

Este cambio no calendario xustifícase por mor da idea de «asegurar a mellor experiencia», o que indica que o desenvolvemento da obra non foi todo o ben que se podía agardar. Ademais, o Modo Invasión non estará dispoñíbel de saída, senón que chegará pouco despois como un DLC de balde.

Doutra banda, DOOM 64 tamén chegará ao resto de plataformas, non só a Switch, e compartirá a mesma data que o seu novo irmán.

 

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

Deixar un comentario

O teu enderezo electrónico non se publicará Os campos obrigatorios están marcados con *