O Museo do Prado presenta varias mostras dentro de Animal Crossing: New Horizons

O Museo do  Pradoestá a promocionar unha serie de exposicións que poderán ser visitadas de forma virtual a través de Animal Crossing: New Horizons. Catro itinerarios distintos que presentan varios códigos QR cos que poder ver adaptacións dos cadros dentro do propio xogo de Nintendo, amais de dar acceso a vídeos divulgativos a través do teléfono móbil.

A entidade museística decidiu levar até as illas de Animal Crossing: New Horizons catro mostras: O soño de Jacob de José de Ribera, o Xardín das Delicias do Bosco, Extracción da pedra da tolemia do Bosco e Unha fábula do Greco. Pezas notables da súa colección.

Como podes acceder á illa do Museo do Prado? A través de Alakama, introducindo o código de soño DA-5758-6558-3912. Deste xeito, os deseños dos cadros presentes na exposición poderán ser descargados para expolos nas nosas propias illas. Nunca quixeches ter o tríptico do Bosco no teu salón?