Actualidade
Os directores de Days Gone abandonan Bend Studio
Parece que Days Gone será o último xogo de Bend Studio coas firmas de John Garvin e Jeff Ross, directores do exclusivo de PlayStation 4. Farano logo de moitos anos traballando no estudio de Oregón, cun pequeno comunicado nas súas redes sociais.
Garvin, que foi o escritor e director de todos os xogos de Bend Studio entre Syphon Filter e Days Gone, deixara o estudio hai xa un ano, pero non realizara ningún anuncio oficial ata o de agora. A través de Twitter, John Garvin explica que precisa tempo para realizar proxectos persoais como a pintura, a escritura e, máis que nada, tomar un descanso da industria dos videoxogos. No comunicado agradece a Shuhei Yoshida, a Jeff Ross, e a todos os empregados de Bend Studio, a súa compañía durante estes últimos 20 anos.
Hi all, a quick announcement: I haven’t spoken about this before for various reasons, but I’m no longer with Bend Studio and haven’t been for over a year. Since Days Gone shipped, I’ve been focusing on personal projects: painting, writing, publishing … (1
— John Garvin (@John_Garvin) December 1, 2020
Jeff Ross tamén confirmou a súa marcha da empresa como unha oportunidade para buscar novos retos. «Esta semana é a miña última en PlayStation e Bend Studio. Estou incriblemente orgulloso de todos os xogos que tiven a oportunidade de facer, pero tamén agardo con ganas os novos desafíos que se presenten. Darei a coñecer os meus plans máis adiante, pero mudareime a Chicago unha vez acougue a COVID».
This week is my last at @PlayStation and @BendStudio. I'm incredibly proud of all the games I got to make, but also looking forward to new challenges ahead. I'll post about my plans later, but I'll be moving to Chicago once COVID calms down. #JeffsGone #DaysGone
— Jeff Ross #DaysGone #PlayStation5 #Sony (@JakeRocket) December 1, 2020
A vida segue para Bend Studio, que xa na primavera publicaron varios anuncios na procura de empregados para un novo xogo AAA. A empresa forma parte de PlayStation, e é unha das súas first-party máis coñecidas.
