Os xogadores de GTA Online sofren o aumento de hackers nos servidores

Se non fose porque podemos consultar o calendario, todo indicaría que estariamos no ano 2013 após o lanzamento de GTA V. O título de Rockstar foi lanzado a semana pasada na Epic Games Store como un dos xogos gratuítos e así estará dispoñíbel até o vindeiro 21 de maio. A avalancha de xogadores que decidiron volver a Los Santos ou visitala por primeira vez chegou a colapsar os servidores da tenda de Epic Games, o que demostra o constante bo momento de forma que vive o xogo.

Porén, parece ser que un dos problemas máis difíciles de erradicar en GTA Online continúa presente. Os hackers regresaron con máis forza que antes e dedican o seu tempo a molestaren ao resto de xogadores, enchendo as partidas públicas coa aparición de avións, forzando a caída dos servidores ou atrapando aos xogadores en gaiolas.

Was having some fun online when suddenly… My character decided to merge with a Ferris Wheel… hahaha. from GTAV

Malia que Rockstar pode eliminar as súas contas do xogo, o máis probábel é que estean a crear novas contas para poder obter o xogo de forma gratuíta unha vez máis. Esta problemática non só afecta o apartado multixogador senón que moitos usuarios notificaron que os hackers son capaces de amolar durante as súas sesións individuais.