Actualidade Os zombis toman o mundo no novo World War Z

Os zombis toman o mundo no novo World War Z

Saber Interactive vén de estrear World War Z, un shooter coopeerativo inspirado na famosa película de acción Guerra Mundial Z, protagonizada polo actor Brad Pitt. O título está dispoñible dende hoxe en PlayStation 4, Xbox One e PC (Epic Games Store). Coa lendaria canción War, interpretada orixinalmente por The Temptations e agora por Black Stone Cherry, chega o tráiler de lanzamento.

Creado co motor gráfico Swarm Engine , World War Z liberará centos de veloces zombis sedentos de carne humana, coa capacidade de atacar en numerosos e perigosos grupos para pór en xaque aos xogadores. Poderemos escoller entre seis clases diferentes e un completo arsenal de armas de fogo, explosivos e trampas para conter a ameaza e lograr sobrevivir un día máis para ver un novo amencer.

O título de Saber Interactive promete acción frenética en diferentes escenarios de todo o mundo, incluíndo Moscova, Tokio ou Nova Iorque. Ollo, porque non só son os mortos os inimigos. Tamén teremos opoñentes humanos controlados por xogadores grazas á cara competitiva do xogo por equipos: Players vs Players vs Zombis.

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

1 Comentario
    • Pastel de carne
    • En: 16 de Abril de 2019

    Ten moi boa pinta, pero o de que sexa na Epic Games Store…
    De todos modos, L4D2 xa era un gran xogo (e o segue sendo), non sei se este estará ó mesmo nivel…

    Responder
Deixar un comentario

O teu enderezo electrónico non se publicará Os campos obrigatorios están marcados con *