Petición popular para incluír a Shaggy de Scooby-Doo en Mortal Kombat 11
Broma por alí, broma por alá, a comunidade da internet demostra en ocasións ter un saudable sentido do humor (ou do troleo). Non se podería explicar doutra maneira que unha petición en Change. org para incluír a Shaggy de Scooby- Doo en Mortal Kombat 11 alcanzase xa as 141.000 firmas.
A iniciativa partiu de páxina de humor Woken News. “Pedimos a Warner Bros. Interactive Entertainment que dea aos fans o loitador que sen dúbida necesitan”, explican na petición. Fíxanse como obxectivo as 150.000 firmas, unha meta que agardan conseguir nas próximas horas.
Vista principal da petición en Change.org.
Por desgraza, a decisión non recaería só en NetherRealm Studios, o equipo encargado da creación do undécimo título da saga de loita. É moi improbable que Hanna-Barbeira Productions, a compañía que creou ao famoso personaxe, queira que este figure nun título tan violento e gore como é Mortal Kombat 11.
Quen sabe? O que si é seguro é que o título sairá o próximo 23 de abril en PC, PS4 e Xbox One, mentres que o 17 de maio farao en Nintendo Switch.
