PlayStation 5 ampliará a súa gama de cores para os DualSense este xuño

A día de hoxe só hai un tipo de mando oficial para PlayStation 5, o seu xa famoso DualSense branco; este xuño, Sony ampliará a oferta. Midnight Black e Cosmic Red serán as dúas novas cores coas que poderemos vestir os controladores da consola.

Seguindo o comentado pola compañía, o primeiro destaca polos seus tons en negro e grises que tratan de homenaxear o espazo e o ceo nocturno. En canto ao segundo, caracterízase este polos seus tons vermellos e negros que están baseados nas nebulosas do universo.

Os DualSense Midnight Black e Cosmic Red estarán dispoñibles en todas as tendas a partir do 18 de xuño. Malia que non se especificou un prezo de lanzamento en euros, si se puxo en dólares: o negro manterase no mesmo gasto que o branco orixinal, a saber, 69,99 dólares, e o vermello custará cinco euros máis. Está cara a homenaxe á nebulosa do universo.