![PlayStation Plus reinvéntase cun modelo baseado en tres niveis de suscrición](https://revistamorcego.com/wp-content/uploads/2022/03/1e7b921989a756be1160aa0dd57aa3539448de95-786x436.jpeg)
PlayStation Plus reinvéntase cun modelo baseado en tres niveis de suscrición
Tendo en conta o éxito de Xbox Game Pass, era só cuestión de tempo que Sony tentase promocionar algún servizo semellante ou, polo menos, que puidese ofrecer algo máis do que ofrecían PlayStation Plus e o seu servizo PlayStation Now —que nunca acabou de prender entre a comunidade—.
A compañía xaponesa confirmou o que nas últimas horas xa fora filtrado e que na industria era coñecido co nome Spartacus. Un novo servizo, evolución directa do PlayStation Plus —non muda o nome— pero que agora ofrecerá tres niveis de suscrición: Essential, Extra e Premium. Non hai data exacta para a súa chegada, mais a maioría de analistas sitúan a mudanza en xuño.
- PlayStation Plus Essential é o equivalente á subscrición actual de PS Plus. Inclúe os mesmos beneficios (online, gardados na nube, xogos mensuais…) e mantén o prezo: 8,99€ por un mes, 24,99€ por tres meses, 59,99€ por un ano.
- PlayStation Plus Extra suma ao Essential un catálogo de 400 xogos de PS4 e PS5 para descargar e xogar. Custará 13,99€ ao mes, 39,99€ ao trimestre ou 99,99€ ao ano.
- PlayStation Plus Premium engade 340 xogos máis ao catálogo de extra, sobre todo retrocompatibles. Os xogos de PS3 poderán ser xogados mediante streaming, namentres que os de PlayStation, PlayStation 2 e PSP poderán ser xogados en streaming ou descargados. Ademais, sumaranse con tempo limitado de certos xogos. O prezo será de 16,99€ ao mes, 49,99€ por tres meses ou 119,99€ ao ano.
É no nivel Premium onde aparece PS Now, onde poderemos xogar cos títulos dos catálogos Extra e Premium en PC, PS4 e PS4 tal e como se fai no actual servizo, que desaparecerá de xeito independente e as súas suscricións migrarán.
Que xogos ofrece esa tier Extra? Pois por exemplo Death Stranding, God of War, Marvel’s Spider-Man, Marvel’s Spider-Man: Miles Morales, Mortal Kombat 11 y Returnal.