Ratchet & Clank: Unha Dimensión Aparte amosa todo o seu potencial cun novo video

Un dos anuncios máis interesantes que nos deixou a apertura Gamescom foi a presentación da demo de Ratchet & Clank: Unha Dimensión Aparte. O novo título de Insomniac Games amosou o que ten preparado para a próxima xeración e que chegará co lanzamento da nova consola.

«Mundos máis rebosantes de vida que nunca, xa que a velocidade do SSD permítenos percorrer a galaxia case ao instante e o ray-tracing crear efectos especiais novos», aseguraron desde a desenvolvedora. Nesta nova aventura da simpática parella, Ratchet e Clank terán que lidar co Dimensionador, un dispositivo capaz de abrir portais que levan a outras dimensións.

Como sinal de identidade clásico da saga, Ratchet contará con novas armas como a Burst Pistol, a Topiary Sprinkler ou a Shatterbomb. Os novos gatillos do DualSense poderán ser presionados até a metade se queremos realizar un único disparo cunha escopeta.